ხელშეკრულება

ტვირთების საერთაშორისო გადაზიდვისა და ექსპედიციის ხელშეკრულება, ბოლო განახლება 31 მარტი 2026

შპს "კა2ჯეო", საიდენტიფიკაციო. კოდი: 406463740, შემდგომში მოხსენიებული როგორც, “ექსპედიტორი კომპანია” , „კომპანია“ ან „ექსპედიტორი“  (კომერციული დასახელებით კა2ჯეო, CA2GEO), ვებ-გვერდი: www.ca2geo.ge  ტელ: +995 500 222 240, მისამართი: თბილისი, გიორგი და ზვიად უგრეხელიძეების 10ბ

და მომხმარებელი: ფიზიკური ან იურიდიული პირი, რომელიც სარგებლობს ექსპედიტორი კომპანიის გადაზიდვის მომსახურებით და მინიჭებული აქვს მომხმარებლის ხუთციფრა ან ექვსციფრა ნომერი (იგივე ოთახის ნომერი), რომელიც დაფიქსირებულია ტვირთის ჩამოსვლისას საბაჟო დოკუმენტაციაში და ექსპედიტორი კომპანიის მონაცემთა ბაზაში, დებენ წინამდებარე ხელშეკრულებას შემდეგზე:

1. ხელშეკრულების საგანი

1.1 ხელშეკრულების საგანს წარმოადგენს ექსპედიტორი კომპანიის საწყობებიდან, რომელიც მდებარეობს კანადაში და ჩინეთში შემკვეთის მიერ გაგზავნილი და ექსპედიტორის მიერ მიღებული ტვირთის საქართველოში საექსპედიციო გადაზიდვის მომსახურების გაწევა, რომელსაც ექსპედიტორი კომპანია უზრუნველყოფს თავისი სახელით და შემკვეთის ხარჯზე.

1.2 კომპანიის მომხმარებლის რეგისტრაცია ნებაყოფლობითი და უფასოა. რეგისტრაცია ხორციელდება ვებ-გვერდზე  www.ca2geo.ge. მომსახურების პირობები საჯაროა. ექსპედიტორი კომპანიის მომსახურებით სარგებლობა ნიშნავს, რომ მომხმარებელი სრულად გაეცნო, გააცნობიერა და დაეთანხმა აღნიშნული ხელშეკრულების პირობებს.

1.3 აღნიშნული ხელშეკრულებით გათვალისწინებული სასყიდლიანი მომსახურების ტარიფების შესახებ ინფორმაცია ხელმისაწვდომია ხელშეკრულების შესაბამისი მომსახურებების მომწესრიგებელ პუნქტებში, რომელსაც მომხმარებელი უნდა გაეცნოს ამანათის გამოწერამდე. სააქციო და სპეციალური შეთავაზებების შესახებ ინფორმაცია ხელმისაწვდომია კომპანიის ვებ გვერდზე. მომხმარებელი ვალდებულია ამანათის გამოწერამდე წინასწარ გაეცნოს აღნიშნულ გვერდზე გამოქვეყნებულ განახლებულ ინფორმაციას სააქციო ტარიფებისა და შეთავაზებების შესახებ.

2. ტრანსპორტირების ღირებულება, ამანათის ზომა-წონის დამრგვალება და გადახდა

2.1 ამანათის მოცულობითი წონა გამოითვლება ფორმულით (სიგრძე * სიგანე * სიმაღლე / 6000 - სანტიმეტრებში).

2.2  „კომპანიის“ საწყობებიდან ტრანსპორტირების ღირებულება გამოითვლება ამანათების მოცულობითი და ფიზიკური (სასწორის) წონის მიხედვით. გადასახდელი წონის ფასები და ჩამოსვლის ვადები არის შემდეგი:

·           საჰაერო გადაზიდვა კანადიდან 9 აშშ დოლარი 1კგ–ზე, გადახდის დღისთვის არსებული დოლარის შესყიდვის კომერციული კურსით ლარში. ამანათის გამოგზავნიდან არაუგვიანეს 10 სამუშაო დღე.

·         საჰაერო გადაზიდვა ჩინეთიდან - 12.5 აშშ დოლარი 1კგ–ზე, გადახდის დღისთვის არსებული დოლარის შესყიდვის კომერციული კურსით ლარში. ამანათის გამოგზავნიდან არაუგვიანეს 14 სამუშაო დღე.

·         სახმელეთო გადაზდვა ჩინეთიდან - 4.5 აშშ დოლარი 1კგ–ზე, გადახდის დღისთვის არსებული დოლარის შესყიდვის კომერციული კურსით ლარში. ამანათის გამოგზავნიდან არაუგვიანეს 35 სამუშაო დღე.

 იმ შემთხვევაში, თუ ამანათის მოცულობითი წონა აღემატება ფიზიკურ (სასწორის) წონას, გამოიყენება ტრანსპორტირების ღირებულების გამოანგარიშების საერთაშორისო წესი, რომელიც ითვალისწინებს ღირებულების გადახდას მოცულობით და რეალურ წონებს შორის მაქსიმალურით.

2.3. 2025 წლის 9 სექტემბრიდან 2026წლის 1 სექტემბრამდე მოქმედებს სპეციალური სააქციო შეთავაზება და ავია გადაზიდვით ჩინეთიდან 1კგ. - ამანათის ტრანსპორტირების ღირებულება შეადგენს 11.75 აშშ დოლარს გადახდის დღისთვის არსებული დოლარის შესყიდვის კომერციული კურსით ლარში.

ტრანსპორტირების ღირებულება დაანგარიშდება ლარში გადახდის დღეს არსებული აშშ დოლარის შესყიდვის კომერციული კურსის შესაბამისად.

2.4 სავალდებულოა გადახდა განხორციელდეს მხოლოდ www.ca2geo.ge ვებ–გვერდზე მითითებული გადახდის მეთოდებით. სხვა შემთხვევაში თანხის მიღების დადასტურება დროულად არ მოხდება, რაც გამოიწვევს ამანათების მიღების შეფერხებებს.

2.5 წონის დამრგვალება ხდება 100 გრამის სიზუსტით, ხოლო ყუთის შემთხვევაში, ზომის პარამეტრების დაანგარიშებისას, დასაშვებია 9 მმ ცდომილება თვითოეულ გვერდზე.

2.6 მხარეთა შორის ანგარიშსწორება გადასახდელი წონის ამანათების შემთხვევაში ხორციელდება ტვირთების ჩამოტანის შემდეგ, არაუგვიანეს 21 დღეში. ვადის გადაცილების შემდეგ ტვირთს ყოველდღიურად დაერიცხება შენახვის საკომისიო საექსპედიტორო მომსახურების საინვოისო ღირებულების მიხედვით, კილოგრამზე 15 თეთრის ოდენობით.

2.7 მომხმარებელი, ექსპედიტორის მიერ გამოწერილი ინვოისის საფუძველზე, გადაუხდის თანხას რომელიც გამოიანგარიშება ყოველი კონკრეტული ტვირთის გადაზიდვის შემთხვევაში.

2.8 მომხმარებლის ანგარიშზე დავალიანების არსებობის შემთხვევაში, ცალკეული ამანათის მიღება არ ხდება დავალიანების სრულად დაფარვამდე.

2.8.1 იმ შემთხვევაში, თუ მომხმარებელს კომპანიის პორტალზე უფიქსირდება 500 (ხუთასი) ლარზე მეტი ჯამური დავალიანება, კომპანია უფლებამოსილია შეაჩეროს ნებისმიერი ამანათის ჩაბარების პროცესი დავალიანების სრულად დაფარვამდე. აღნიშნული უფლებამოსილება ვრცელდება როგორც უკვე საქართველოში ჩამოსულ, ისე გზაში მყოფ ან ჩინეთისა და კანადის საწყობებში მიღებულ ამანათებზე. კომპანია იტოვებს უფლებას, არ გასცეს ტვირთი და არ გააგრძელოს მისი ტრანსპორტირების მომდევნო ეტაპები მომხმარებლის მიერ ბალანსის სრულ შევსებამდე.

2.9. კომპანია არ არის ვალდებული, ტვირთის/ამანათის გამოგზავნამდე წინასწარ დაუკავშირდეს მომხმარებელს, მიუხედავად მისი ზომისა, წონისა თუ ტრანსპორტირების სავარაუდო ღირებულებისა. ყველა ამანათი, რომელიც მივა კომპანიის უცხოეთის საწყობებში, გამოიგზავნება ავტომატურად, იმ მონაცემების საფუძველზე, რაც მითითებულია ამანათის მაიდენტიფიცირებელ ლებელზე (Label).

2.10. მომხმარებელი აცნობიერებს, რომ ამანათის საწყობში მიღება ავტომატურად ნიშნავს მის ტრანსპორტირებას საქართველოში. ტრანსპორტირების ღირებულების წინასწარი საავანსო გადახდა შეიძლება მოთხოვნილ იქნას კომპანიის მიერ მხოლოდ მისი სურვილისამებრ, თუმცა ეს არ წარმოადგენს კომპანიის ვალდებულებას. მომხმარებელი ვალდებულია წინასწარ განსაზღვროს თავისი ამანათის სავარაუდო წონა/ზომა და უზრუნველყოს შესაბამისი ბალანსის ქონა პორტალზე.

2.11 „მომხმარებელი ადასტურებს, რომ სრულად არის პასუხისმგებელი მის მიერ გამოწერილი ტვირთის წონაზე, მოცულობასა და შიგთავსზე. ნებისმიერი ამანათი, რომელიც მივა კომპანიის საწყობში მომხმარებლის ოთახის ნომრით, ითვლება მომხმარებლის მიერ ავტორიზებულად გამოსაგზავნად. მომხმარებელი წინასწარ აცხადებს უპირობო თანხმობას ნებისმიერი წონის ტვირთის ტრანსპორტირებაზე და იღებს ვალდებულებას აანაზღაუროს ტრანსპორტირების სრული ღირებულება ინვოისის შესაბამისად.“

3. შემკვეთი ანუ მომხმარებელი ვალდებულია

3.1 რეისის გამოგზავნამდე, ექსპედიტორს მიაწოდოს შესაბამისი ცნობები ამანათის ან ტვირთის შესახებ და მოახდინოს მისი სრულყოფილი დეკლარირება. წინააღმდეგ შემთხვევაში, ამანათის/ტვირთის ტრანსპორტირება ვერ მოხდება საქართველოში. აგრეთვე მისცეს მითითებები, რომლებიც აუცილებელია გადაზიდვის დოკუმენტების გასაფორმებლად, მიაწოდოს აუცილებელი ცნობები საბაჟო და სხვა მოქმედებათა შესასრულებლად. გარდა ამისა, შემკვეთმა ექსპედიტორს უნდა გადასცეს აუცილებელი დოკუმენტები აღნიშნული ცნობების უტყუარობის დასადასტურებლად.

3.2 საფრთხის შემცველი ან მსხვრევადი ტვირთის არსებობისას, შემკვეთმა წინასწარ უნდა გააფრთხილოს ექსპედიტორი ტვირთის ზუსტი სახეობის შესახებ ელ-ფოსტით და აუცილებლობის შემთხვევაში, მიუთითოს მას უსაფრთხოების ზომებზე წინასწარ, ამანათის გამოწერამდე.

3.3 ტვირთი, რომლის საფრთხის შემცველობის შესახებ არ იცოდა ექსპედიტორმა, შეიძლება ნებისმიერ დროს და ნებისმიერ ადგილას გადმოიტვირთოს, განადგურდეს ან გაუვნებელდეს ზიანის ანაზღაურების მოვალეობის დაუკისრებლად.

3.4 შემკვეთი ვალდებულია, თუ ამას მოითხოვს ტვირთის სახეობა, შეაფუთინოს იგი გადაზიდვის მოთხოვნების შესაბამისად.

3.5 შემკვეთი ვალდებულია ამანათის მიღებამდე გადაამოწმოს ამანათის შიგთავსი. ოფისიდან გასვლის შემდეგ პროდუქციის დაზიანების შესახებ პრეტენზიები აღარ განიხილება და ექსპედიტორი კომპანია არ აიღებს პასუხისმგებლობას ამანათში არსებული პროდუქციის შესაძლო დაზიანებაზე ან დანაკლისზე.

3.6 შემკვეთი უფლებამოსილია, დაზიანებული ან უკვე გახსნილი ამანათის მიღების შემთხვევაში, არ ჩაიბაროს ამანათი და ამის შესახებ კომპანიის წარმომადგენელს წინასწარ აცნობოს, ხოლო თუ ფილიალში წარმომადგენელი არ იმყოფება, კომპანიის ცხელ ხაზს დაუკავშირდეს და საკითხის გარკვევამდე ამანათი ფილიალიდან არ გაიტანოს. ასეთი ამანათის გახსნის ან ფილიალიდან გატანის შემდეგ, ექსპედიტორი კომპანია მოიხსნის პასუხისმგებლობას ამანათის შიგთავსის ხარისხზე, ნაკლზე ან დანაკლისზე.

4. საკურიერო მომსახურება

4.1 მომხმარებელს შეუძლია ისარგებლოს საკურიერო მომსახურებით: ექსპრესკურიერის სერვისით თბილისის მასშტაბით და საკურიერო სერვისით რეგიონებში მთელის საქართველოს მასშტაბით.

4.1.1  2025 წლის 26 მაისიდან 2026 წლის 1 ნოემბრამდე აქციის ფარგლებში საკუერიერო მომსახურება იქნება უფასო მთელი საქართველოს მასშტაბით.

4.2  2026 წლის 1 ნოემბრიდან თბილისში ექსპრესკურიერის მომსახურების ღირებულება ყოველ 10 კგ-მდე ნებისმიერი რაოდენობის, ერთი მომხმარებლისთვის მისატან ამანათზე შეადგენს 6 ლარს. 10 კგ-დან 20 კგ.მდე - 12 ლარს. თუ ამანათის წონა აღემატება 20 კგ-ს, მომსახურების ღირებულება განისაზღვრება ყოველ 1 კგ-მდე - 1.00 ლარით (მაგალითად, თუ ამანათის წონაა 24,7 კგ, ამანათის წონა დამრგვალდება 25 კგ-მდე და გამრავლდება 1.00 ლარზე). ექსპრესკურიერით სარგებლობისთვის, ამანათების მართვის პანელში, განყოფილებაში "ჩამოსულია" უნდა გაკეთდეს მოთხოვნა "საკურიერო მომსახურება" ღილაკზე დაჭერით. საკურიერო სერვისი ხორციელდება ორშაბათიდან შაბათის ჩათვლით. ამანათის მიტანის მიახლოებითი ვადა შეადგენს 3 სამუშაო დღეს.

4.3 საკურიერო სერვისი რეგიონებში (ბათუმი, ხაშური, ფოთი, გორი, გურჯაანი, კასპი, ქარელი, ქუთაისი, საგარეჯო, სიღნაღი, თელავი, წყალტუბო, ზესტაფონი, მარტვილი, აბაშა, ბაღდათი, გარდაბანი, ლანჩხუთი, მარნეული, მცხეთა, ოზურგეთი, ქობულეთი, რუსთავი, სამტრედია, ვანი, ხონი, ზუგდიდი, სენაკი, ლაგოდეხი, ამბროლაური, ყვარელი, შუახევი, ჩხოროწყუ, თიანეთი, ხარაგაული, ხელვაჩაური, ხობი, თეთრიწყარო, საჩხერე, თერჯოლა, ბოლნისი, ონი, ჭიათურა, დმანისი, წალენჯიხა, ბორჯომი, ლენტეხი, მესტია, ტყიბული, ქედა, სტეფანწმინდა, ცაგერი, ახმეტა, ასპინძა, ხულო, ახალქალაქი, ახალციხე, ნინოწმინდა, ჩოხატაური, წალკა, ადიგენი, დედოფლისწყარო, დუშეთი) ხორციელდება ორშაბათიდან შაბათის ჩათვლით. რეგიონული საკურიერო მომსახურება სრულდება მომხმარებლის მოთხოვნით, ამანათების მართვის გვერდიდან. რეგიონული საკურიერო მომსახურების ღირებულება ყოველ 10 კგ-მდე ნებისმიერი რაოდენობის, ერთი მომხმარებლისთვის მისატან ამანათზე შეადგენს 12 ლარს. 10 კგ-დან 20 კგ.მდე - 24 ლარს. თუ ამანათის წონა აღემატება 20 კგ-ს, მომსახურების ღირებულება განისაზღვრება ყოველ 1 კგ-მდე - 1.20 ლარით (მაგალითად, თუ ამანათის წონაა 24,7 კგ, ამანათის წონა დამრგვალდება 25 კგ-მდე და გამრავლდება 1.20 ლარზე).. ამანათის მიტანის მიახლოებითი ვადა შეადგენს 4-6 სამუშაო დღეს.

4.4 საკურიერო მომსახურებით სარგებლობისთვის აუცილებელია წინასწარ ყველა გადასახდელი ინვოისის გადახდა და ბალანსზე დამატებით საკურიერო მომსახურების ღირებულების ჩარიცხვა.

4.5 კურიერს ამანათი მიაქვს მომხმარებლის მიერ სისტემაში დაფიქსირებულ მისამართზე და მხოლოდ ერთხელ.

4.5.1 მომხმარებელს შეუძლია ამანათის მესამე პირთან ან სხვა მისამართზე გაგზავნის მოთხოვნა შესაბამისი მომსახურების ჩართვით, რომელიც განთავსებულია ჩამოსული ამანათის მონაცემების გასწვრივ როგორც „სხვასთან მიტანა“. აღნიშნული სერვისი ფასიანია და მისი ღირებულება შეადგენს 2 ლარს. სერვისის ღირებულება დაემატება კონკრეტული ამანათის ინვოისს საკურიეო მომსახურებასთან ერთად და აღნიშნული თანხა მომხმარებელს ჩამოეჭრება ანგარიშიდან.

4.6 ვებ–გვერდიდან მისამართის შეცვლა შესაძლებელია მხოლოდ ამანათის ჩამოსვლამდე, სხვა შემთხვევაში მომხმარებელს შეუძლია ისარგებლოს 4.5.1 პუნქტში აღწერილი სერვისით.

4.7 შეზღუდულია მისამართის შეცვლა და გადამისამართება ოფისში სატელეფონო ზარით ან ზეპირი შეთანხმების საფუძველზე.

4.8 კურიერი არ აიტანს ამანათს სართულებზე.

4.9 მისამართზე მისვლამდე კურიერი დარეკავს მომხმარებლის გვერდზე დაფიქსირებულ მობილურის ნომერზე, რათა გადასცეს მომხმარებელს ამანათი. თუ დაკავშირება 10 წუთის განმავლობაში ვერ მოხდა მომხმარებლის ან სატელეკომუნიკაციო კომპანიის მიზეზით, კურიერი წაიღებს ამანათს ფილიალში, საიდანაც მომხმარებელი ვალდებულია თვითონ გაიტანოს ამანათი. ან თავიდან მოითხოვოს ექსპრეს კურიერის მომსახურება, მომხმარებლის მიზეზით ჩაუბარებელი ამანათის საკურიერო მომსახურების ღირებულება დაბრუნებას არ ექვემდებარება.

4.10 ამანათის მისაღებად საჭიროა მომხმარებელმა თან იქონიოს მიმღების (პირი, რომლის სახელი, გვარი ან/და სახელწოდება აწერია უშუალოდ ამანათს ან მითითებულია 4.5.1 პუნქტში აღწერილი მომსახურების მოთხოვნისას) პირადობის დამადასტურებელი მოწმობა, პასპორტი ან უფლებამოსილების დამადასტურებელი დოკუმენტი. ქსეროასლი არ მიიღება. იმ შემთხვევაში თუ ამანათს იბარებს სხვა, მესამე პირი, რომელიც არ არის ამანათის მიმღები, მაშინ საჭირო იქნება ასევე იმ პიროვნების, ვინც უშუალოდ ჩაიბარებს ამანათს, პირადობის დამადასტურებელი მოწმობა, პასპორტი, უფლებამოსილების დამადასტურებელი დოკუმენტი.

5. მომხმარებლის მისამართზე, ამანათის გადაცემა მესამე პირზე შესაძლებელია მხოლოდ იმ შემთხვევაში, თუ მას შეუძლია წარადგინოს

5.1 როგორც ამანათის მიმღების, ასევე გამტანის პირადობის დამადასტურებელი მოწმობა ან პასპორტი.

5.2 მიიღება ასევე ნოტარიულად დამოწმებული მინდობილობა.

5.3 მომხმარებელს გააქტიურებული აქვს „სხვასთან მიტანის“ მომსახურება.

6. რეისების განრიგი, გადახდის და ამანათის მიღების პერიოდი

6.1 საწყობები მუშაობს ორშაბათიდან შაბათის ჩათვლით.

6.1.1 რეისები იგზავნება შემდეგი თანმიმდევრობით:

·         კანადა - 1 რეისი ყოველ 1 კვირაში რეისის გამოგზავნის დღეა სამშაბათი.

·         ჩინეთი საჰაერო - 1 რეისი ყოველ ერთ კვირაში, რეისის გამოგზავნის დღეა სამშაბათი.

·         ჩინეთი სახმელეთო - 1 რეისი ყოველ 1 კვირაში რეისის გამოგზავნის დღეა სამშაბათი.

6.2 ავია-რეისების საშუალო ხანგრძლივობა შეადგენს 7-14 დღეს, ხოლო სახმელეთოსი 30-45 დღეს

6.3 ტრანსპორტირების ღირებულების ინვოისი გამოიგზავნება საქართველოში ტვირთის ჩამოსვლის შემდეგ.

6.4 აღნიშნული განრიგი და ტრანსპორტირების ხანგრძლივობა არ არის ფიქსირებული და კომპანია პასუხისმგებლობას არ იღებს ფორსმაჟორული სიტუაციების შემთხვევაში ან სატრანზიტო პერიოდში რეისების დაგვიანებაზე (მაგ.: რთული მეტეოროლოგიური პირობები, ავია კომპანიის მიერ გაუქმებული ან შეცვლილი განრიგი, სახმელეთო გადაზიდვისას საბაჟო ტერმინალებზე არსებული რიგები, საბორნე გადაზიდვების რიგები და ა.შ.), ასევე დღესასწაულებთან დაკავშირებულ გადატვირთვებზე ავია კომპანიებსა და სახმელეთო გადაზიდვებისას.

7 ამანათის მიღების პირობები და უკუგზავნილი

7.1 აღნიშნული პირობები ძალაში შედის 2026 წლის 1 დეკემბრიდან.

7.2 ფილიალის მონიშვნა შესაძლებელია რეისის გამოგზავნიდან მომდევნო 2 დღის განმავლობაში.

7.3 დროულად დაუდეკლარირებელი ამანათების გადამისამართება ფილიალში ვერ მოხდება.

7.4 ავტომატური გადამისამართება არ გავრცელდება უკვე გამოგზავნილ რეისებზე.

7.5 „კომპანიის“ საწყობებიდან მომხმარებლის მიერ ამანათის მიღებაზე უარისა და გამგზავნთან ამანათის დაბრუნებაზე მოთხოვნის წარმოდგენის შემთხვევაში, თავად ექსპედიტორის მიერ ამანათის გაგზავნა სხვა მისამართზე შეიძლება მოხდეს მომხმარებელთან ელ. ფოსტით კომუნიკაციის შემდეგ და მომსახურების ღირებულება განისაზღვრება ინდივიდუალურად ყოველ კონკრეტულ შემთხვევაში. მომხმარებლის ამანათის გატანა „კომპნიის“ საწყობიდან შესაძლებელია მხოლოდ თავად მესაკუთრის ან მესამე პირის მეშვეობით, ექსპედიტორ კომპანიასთან წინასწარ, ერთი სამუშაო დღით ადრე გაფრთხილების და ამანათების დამუშავების მომსახურების - 15 ლარის გადახდის შემდეგ.

7.6 მომხმარებელი ვალდებულია წინასწარ, პროდუქციის შეძენამდე ან ამანათის ექსპედიტორის მისამართზე გაგზავნამდე გაეცნოს აღნიშნულ მომსახურების პირობებს, რომელიც ითვალისწინებს მოცულობითი წონით ამანათების გადახდის პირობებს, მე-2 პარაგრაფის მიხედვით. მომხმარებელი ეთანხმება, რომ ტრანსპორტირების ღირებულების გადახდა სავალდებულოა, მიუხედავად ამანათის ზომისა და წონისა.

7.7 დიდი ზომის ამანათის ან ტვირთის შემთხვევაში, რომელთა მოცულობითი ან ფიზიკური (სასწორის) წონა აღემატება 5 კგ-ს, ექსპედიტორი კომპანია უფლებამოსილია დააყოვნოს ამანათი ექსპედიტორის საწყობებში და მოითხოვოს ტრანსპორტირების ღირებულების წინასწარ გადახდა. კანადის და ჩინეთის საწყობში 10 (ათი) კალენდარული დღეზე მეტი ვადით ნებისმიერი ზომის და წონის ამანათის/ტვირთის დაყოვნების შემთხვევაში, მოხმარებელს ყოველდღიურად დაერიცხება საწყობში შენახვის ღირებულება, 1კგ- ზე 25 თეთრის ოდენობით, გადასახდელი წონის მიხედვით, მაგრამ არაუმეტეს 25 (ოცდახუთი) დღის ვადისა. თუკი 25 დღეში მომხმარებელი არ გადაიხდის ამანათის საწყობში შენახვის ღირებულებას და არ გაგზავნის ამანათს საქართველოში, ასეთ ამანათზე ავტომატურად გავრცელდება კანონისმიერი გირავნობის უფლება და კომპანია უფლებამოსილია გაასხვისოს ამანათში არსებული პროდუქცია ან დაიტოვოს მის საკუთრებაში.

7.8 თუკი 30 დღეში მომხმარებელი არ გადაიხდის საქართველოს საწყობში შენახვის ღირებულებას და არ გაიტანს ამანათს, ასეთ ამანათზე ავტომატურად გავრცელდება კანონისმიერი გირავნობის უფლება და კომპანია უფლებამოსილია გაასხვისოს ამანათში არსებული პროდუქცია ან დარჩეს მის საკუთრებაში.

7.9 მომხმარებლის მხრიდან ტვირთის წონასთან, ზომასთან ან ტრანსპორტირების ღირებულებასთან დაკავშირებული ნებისმიერი პრეტენზია არ წარმოადგენს ტრანსპორტირების საფასურის გადახდაზე უარის თქმის საფუძველს. დავის არსებობის შემთხვევაში, მომხმარებელი ჯერ ვალდებულია სრულად დაფაროს დავალიანება, ხოლო შემდგომ აწარმოოს მოლაპარაკება კომპანიასთან.

8. უსაფრთხოების სავალდებულო დამატებითი მომსახურება და ექსპედიტორის საწყობებში ამანათის მიღების პირობები

8.1 აღნიშნული მომსახურება გულისხმობს, საერთაშორისო საექსპედიტორო მომსახურების გაწევის ეტაპზე, კერძოდ ექსპედიტორის კანადის და ჩინეთის საწყობებიდან, ზედდებულის დანიშნულების პუნქტამდე, ამანათის გარეგანი დაზიანების ან დაკარგვის შემთხვევაში, მომხმარებლისთვის, მის მიერ ამანათის დეკლარირებული თანხის ანაზღაურებას. მომსახურებაში არ შედის ამანათში არსებული პროდუქციის შემოწმება დაზიანებაზე ან მუშაობის ვარგისიანობაზე.

8.2 ამანათის დაკარგვის ან გაუჩინარების შემთხვევაში, კომპანია სრულად იღებს პასუხისმგებლობას, მათ შორის კერძო პირის მიერ გამოგზავნილი, Ebay ან სხვა აუქციონში ნაყიდი პროდუქციის, ჩამოწერილი, შეკეთებული ან ნახმარი პროდუქციის შემთხვევაში.

8.3 კომპანია არ იღებს პასუხისმგებლობას პროდუქციის დაზიანებაზე შემდეგი სახის ამანათების შემთხვევაში: კერძო პირის მიერ გამოგზავნილი, Ebay ან სხვა აუქციონში ნაყიდი პროდუქციის, ჩამოწერილი, შეკეთებული ან ნახმარი პროდუქციის, ამანათები, რომლებიც ექსპედიტორის საწყობში შემოვიდა თრექინგ კოდების გარეშე და მიენიჭა ექსპედიტორი კომპანიის მიერ დაგენერირებული თრექინგ კოდი, თუმცა მსგავსი ტიპის ამანათების დაკარგვის შემთხვევაში, კომპანია სრულად დაფარავს მიყენებულ ზარალს, რაც პროდუქციისა და ტრანსპორტირების ღირებულებით განისაზღვრება.

8.4 ზარალის ანაზღაურება არ მოხდება შემდეგი სახის პროდუქციაზე: (მაგ. შუშა, ეკრანი, ჭურჭელი, ფაიფური, ჭაღი, ბრა და ა.შ.), თუ ვიზუალურად ამანათის ყუთი დაზიანებული არ არის. იმ შემთხვევაში, თუ მოხდა ამანათის შიგთავსის ან მისი ნაწილობრივი დაზიანება (შუშის, ეკრანის და ა.შ. გატეხვა, გაბზარვა....) და ამავე დროს გარეგნულად ამანათი დაზიანებული არ არის, მიმღები (მფლობელი) ვალდებულია მაინც გადაიხადოს ტრანსპორტირების ღირებულება და გაიტანოს აღნიშნული ამანათი, წინააღმდეგ შემთხვევაში კომპანია იტოვებს უფლებას დაუყოვნებლივ შეუწყვიტოს აღნიშნულ მომხმარებელს საექსპედიტორო მომსახურება, მისი შემდგომი განუახლებლობის პირობით.

8.5 ზარალის დადგომის შემთხვევაში, ასანაზღაურებელი თანხა ლიმიტირებულია პროდუქციის ღირებულებით, რაც პროდუქციის შესყიდვის დამადასტურებელ დოკუმენტშია აღნიშნული და არ აღემატება მომხმარებლის მიერ დეკლარირებისას მითითებულ თანხას.

8.6 ზარალის ანაზღაურებისას აუცილებელია მომხმარებელმა წარმოადგინოს პროდუქციის შესყიდვის დამადასტურებელი დოკუმენტი, საფოსტო კომპანიის მიერ მინიჭებულ თრექინგ კოდთან ერთად, ხოლო მაღაზიაში შეძენილი პროდუქციის შემთხვევაში, შესყიდვის დამადასტურებელი დოკუმენტი, ამონაწერი ან მასთან გათანაბრებული დოკუმენტი.

8.7 ზარალის დადასტურების შემთხვევაში, თანხის ანაზღაურება რეისის საქართველოში მიღებიდან 21 კალენდარული დღის ვადაში ხდება.

8.8 ამანათებზე დამატებითი მომსახურება გააქტიურდება ავტომატურად, სავალდებულო წესით, ამანათის უსაფრთხოების მომსახურეობის მოთხოვნებიდან გამომდინარე. 100 ლარამდე - 1 ლარი, 100-დან 200 ლარამდე - 2 ლარი, 200-დან 300 ლარამდე - 3 ლარი. 300 ლარიდან 3000 ლარამდე ღირებულების შემთხვევაში, უსაფრთხოების მომსახურეობის ღირებულება შეადგენს ამანათის დეკლარირებული თანხის 2%-ს, 3000 ლარიდან 10,000 ლარამდე ღირებულების შემთხვევაში, უსაფრთხოების მომსახურეობის ღირებულება შეადგენს ამანათის დეკლარირებული თანხის 4%-ს, 10,000 ლარიდან 20,000 ლარამდე ღირებულების შემთხვევაში, უსაფრთხოების მომსახურეობის ღირებულება შეადგენს ამანათის დეკლარირებული თანხის 8%-ს, 20,000 ლარი ან მეტი ღირებულების შემთხვევაში, უსაფრთხოების მომსახურეობის ღირებულება შეადგენს ამანათის დეკლარირებული თანხის 12%-ს. უსაფრთხოების მომსახურების თანხას მომხმარებელი იხდის საექსპედიტორო გადაზიდვის ღირებულებასთან ერთად.

8.9 გაუჩინარებული ამანათის შემთხვევაში ზარალის ანაზღაურება ხდება მხოლოდ იმ შემთხვევაში, თუ მომხმარებელი ამანათის თრექინგ კოდს დაამატებს მისაღები ამანათების განყოფილებაში, თრექინგ კოდის ექსპედიტორი კომპანიის მისამართზე მისვლამდე, ამასთან ერთად, ექსპედიტორი კომპანიის მიერ ამანათის მიღება „კომპანიის“ საწყობში უნდა დადასტურდეს ექსპედიტორი კომპანიის მიერ.

8.10  მისამართზე მისულად ითვლება მხოლოდ ის ამანათი, რომელსაც  საფოსტო კომპანიის ვებ-გვერდზე, გააჩნია მიტანის “Delivered” სტატუსი და დადასტურებული იქნება შესაბამისი დოკუმენტით. დოკუმენტზე აღნიშნული უნდა იყოს უფლებამოსილი პირების  მიერ, მექანიკურად შესრულებული ხელმოწერა, ფურცელზე ან ელექტრონულ მოწყობილობაზე. გთხოვთ გაითვალისწინოთ, რომ ელექტრონულ მოწყობილობის კლავიატურაზე, სიმბოლოების სახით აკრეფილი ხელმოწერა არ ჩაითვლება დამადასტურებლად. ჩაბარების დოკუმენტის გამოთხოვნა შეგიძლიათ გამომგზავნისგან. გამომგზავნი კი თავის მხრივ, მოითხოვს დოკუმენტს ადგილობრივი საფოსტო კომპანიებიდან (ups, fedex, Canada Post, Canpar  და ა.შ.)

8.11 იმ შემთხვევაში, თუ ამანათის სტატუსი საფოსტო კომპანიის ვებ-გვერდზე აისახება როგორც მიტანილი "delivered" და ასევე ჩანს, რომ ამანათი ჩაბარებულია "signed by …", მაგრამ მომხმარებელს 24-48 საათის განმავლობაში პირად ვებ-გვერდზე ამანათის თრექინგ კოდი არ გამოუჩნდა, ეს ნიშნავს, რომ ამანათი ფიზიკურად არ მიუტანია ფოსტას. ამ შემთხვევაში, მომხმარებელი უნდა დაუკავშირდეს გამომგზავნს და გაასაჩივროს ამანათის მიუღებლობა. საჩივრის განაცხადის შემდეგ, საფოსტო კომპანიაში უნდა ჩაირთოს ე.წ. Tracer, ანუ ძიების სტატუსი, რაც ნიშნავს, რომ ამანათზე გამოცხადებულია ძებნა. აღნიშნული პროცედურების გავლა მომხმარებლისგან სავალდებულოა. ექსპედიტორი კომპანია არ იღებს ვალდებულებას იმ ამანათებზე, რომელიც ფიზიკურად არ მისულა „კომპანიის“ საწყობში, თუნდაც საფოსტო კომპანიის ვებ-გვერდზე არსებობდეს სტატუსი "delivered" და Signed by …. სადაო სიტუაციის შემთხვევაში, ექსპედიტორი კომპანია და ასევე მისი პარტნიორი კომპანია დაუდასტურებს გამომგზავნ კომპანიას და ფოსტას წერილობით ან ფაქსის სახით, რომ ამანათი ფიზიკურად არ მისულა მომხმარებლის მისამართზე.

 

8.12 თუკი „კომპანიის“ საწყობში ადგილობრივი კურიერული კომპანიის მიერ ამანათის მიტანის საკითხი გახდება სადავო მომხმარებლის მხრიდან, ექსპედიტორი, მომხმარებელთა მხარდაჭერისა და ზრუნვის მიზნით, პრეტენზიის დაფიქსირებიდან 2 კვირის ვადაში განახორციელებს ამანათის მოძიებისა და მიკვლევადობის ღონისძიებებს. ამ ვადის უშედეგოდ გასვლის შემდეგ დადასტურებულად ჩაითვლება, რომ ამანათი არ არის მიტანილი „კომპანიის“ საწყობში.

8.13 ექსპედიტორი კომპანია პასუხისმგებელი არ არის ამანათების მიღებაზე, თუკი კანადაში და ჩინეთში, ადგილობრივი საფოსტო კომპანიები მიიტანენ ამანათს არასამუშაო საათებში ან დატოვებენ ამანათებს ე.წ. "DOCK"-ზე ხელმოწერის გარეშე. ამგვარ "DOCK"-ზე საწყობის გარეთ დატოვებული ამანათები არ ჩაითვლება ექსპედიტორის მიერ მიღებულად და, შესაბამისად, მასზე ვერ გავრცელდება საექსპედიტორო მომსახურება; ხოლო ამანათის დაკარგვის შემთხვევაში, ექსპედიტორ კომპანიას არ დაეკისრება ზარალის ანაზღაურება.

8.14 მომხმარებელი ვალდებულია გამომგზავნთან წინასწარი შეთანხმების საფუძველზე, უზრუნველყოს ამანათების ექსპედიტორის საწყობებში მიტანა მხოლოდ სამუშაო საათებში და მოითხოვოს ჩაბარებისას ცალობრივი ხელმოწერა, რათა დადასტურდეს ამანათის ჩაბარება საწყობის წარმომადგენელთან.

8.15 ამანათის მიღებისას ექსპედიტორის საწყობებში, არ ხდება ადგილობრივი საფოსტო კომპანიების ან ექსპედიტორის მიერ ამანათების ცალობრივი შემოწმება ამანათის მაიდენტიფიცირებელ ლეიბლზე დატანილი წონის შესაბამისობაზე, გარდა იმ შემთხვევისა, თუ ამანათი არ არის დაზიანებული.

 

8.16 მომხმარებლის მიერ ამანათის წონის შესახებ წარმოდგენილი ნებისმიერი საბუთი, რომელიც მომწოდებლის ან საფოსტო კომპანიის მიერ იქნება გამოგზავნილი, არ ჩაითვლება ამანათის ფაქტობრივი წონის დამადასტურებელ დოკუმენტად, რადგან ექსპედიტორის საწყობში ამანათის მიღებამდე, ამანათი გაივლის რამდენიმე განამაწილებელ პუნქტს ხოლო მის მიღებამდე ამანათი არ არის ექსპედიტორის განკარგვის ან მონიტორინგის ქვეშ.

8.17 ექსპედიტორი კომპანია არ არის პასუხისმგებელი ამანათის ექსპედიტორის საწყობში მიღებამდე.

8.18  ექსპედიტორი კომპანია არ არის ვალდებული გადაამოწმოს მომხმარებლის მიერ შესყიდული საქონლის პარამეტრები გამომგზავნ მაღაზიასთან ან კურიერულ კომპანიასთან. ტვირთის პარამეტრების (წონა/ზომა) კონტროლი წარმოადგენს მომხმარებლის ექსკლუზიურ ვალდებულებას. საწყობში ტვირთის მიღებისას კომპანია ეყრდნობა მხოლოდ მაიდენტიფიცირებელ ებელზე (Label) არსებულ ინფორმაციას და ახდენს მის ავტომატურ დახარისხებას/გამოგზავნას.

9. განბაჟება

9.1 საქართველოს საბაჟო კოდექსის მიხედვით, კა 2 ჯეო–ს ვებ–გვერდზე სავალდებულოა ნივთის დეკლარირება (ნივთის გამომგზავნის, ნივთის დასახელების, სასაქონლო კოდის და ფასის მითითება). ინფორმაციის სისწორეზე პასუხისმგებლობა მთლიანად ეკისრება მომხმარებელს. ამანათების დეკლარირების ვადა განისაზღვრება რეისის გამოგზავნიდან 3 კალენდარული დღით. ამანათის დეკლარირების ვადაგადაცილების შემთხვევაში, მომხმარებელს დაეკისრება დამატებითი გადასახადის გადახდა, ყოველ ამანათზე ფიქსირებული 6 ლარის ოდენობით. არასწორად დეკლარირებისას, სახელმწიფოს მიერ მომხმარებლისთვის საჯარიმო ოქმის გამოწერის შემთხვევაში, მომხმარებელს დაეკისრება დამატებით საბაჟო მომსახურების ღირებულება, რომელიც განისაზღვრება ყოველ ამანათზე 10 ლარით. დამატებითი გადასახდელები დაანგარიშდება და გადაიხდება სატრანსპორტო ღირებულებასთან ერთად. ხოლო გადაუხდელობის შემთხვევაში ამანათი მომხმარებელზე არ გაიცემა.

9.2 ტვირთის განბაჟების პროცედურებზე პასუხისმგებელია მომხმარებელი, თუმცა კომპანია გაუწევს მომხმარებელს დახმარებას გამარტივებული საბაჟო პროცედურებით სარგებლობისას.

9.3 სავალდებულოა კა 2 ჯეო–ს მომსახურების გადახდა განბაჟების პროცედურების დაწყებამდე, ინვოისის გაგზავნიდან 2 დღის ვადაში.

9.4 განსაბაჟებელი ამანათების დოკუმენტაციის მომზადების თანხა განისაზღვრება 20 ლარით თვითოეულ დეკლარაციაზე.

9.5 იმ შემთხვევაში, თუ საბაჟო სამსახური ან ფინანსთა სამინისტრო დააკისრებს საჯარიმო სანქციას ექსპედიტორ კომპანიას, მომხმარებლის მიერ მომსახურების პირობების მთლიანად ან ნაწილობრივ შეუსრულებლობის გამო (მაგ.: პროდუქციის არასრული ან არაზუსტი დეკლარირება), ექსპედიტორი კომპანია უფლებას იტოვებს აღნიშნული ჯარიმის გადახდა დააკისროს მომხმარებელს.

9.6 ისეთი ამანათები, რომელთა იდენტიფიცირებას (ექაუნთის ნომრის ან თრექინგ ნომრის ან სახელის ან გვარის გარეშე) საქართველოს საბაჟო საზღვარზე შემოსვლისას ვერ მოხდენს კომპანია, ასეთი ამანათი დაექვემდებარება სახელმწიფოსათვის გადაცემას, თანახმად საბაჟო კანონმდებლობისა. არაიდენტიფიცირებად ამანათებზე პრეტენზიები არ მიიღება და პასუხისმგებლობა არ დაეკისრება კომპანიას. ამასთანავე, ტრანსპორტირების თანხის გადახდაზე კომპანიის მოთხოვნის უფლება ანულირებულად ჩაითვლება. მაგალითისათვის: თუკი საქართველოს საბაჟო საზღვარზე შემოვიდა ამანათი, რომელსაც არ გააჩნია ექაუნთის ან თრექინგ ნომერი (თუნდაც იკითხებოდეს შემკვეთის სხვა მონაცემები) ამანათი ჩაითვლება არაიდენტიფიცირებულად და გადაეცემა სახელმწიფოს 3 (სამი) დღის ვადის გასვლის შემდეგ. ხოლო თუკი საბაჟო საზღვარზე შემოსვლიდან მომხმარებელი 3 კალენდარული დღის განმავლობაში დააზუსტებს თრექინგ კოდს და ექაუნთის ნომერს ამანათების მართვის გვერდზე, ამანათს მიენიჭება იდენტიფიცირებულის სტატუსი.

9.7 დეკლარირების ვადის გადაცილების შემთხვევაში, ამანათი გადაეცემა სახელმწიფოს, მოქმედი კანონმდებლობის შესაბამისად.

9.8 ამანათების დაგვიანებით დეკლარირების შემთხვევაში, (დეკლარაციის ბეჭდვის ვადის ამოწურვისას) დასაწყობების მომსახურების ღირებულება ერთ რეისზე შეადგენს 50 ლარს. (დოკუმენტაციის მომზადება და დასაწყობება განისაზღვრება ერთი სამუშაო დღის ვადაში) ღირებულებაში არ შედის ლასარეს ტერმინალის მომსახურების გადასახადები.

10. პროდუქცია რომლის ტრანსპორტირებაც აკრძალულია

10.1

იხილეთ პროდუქციის ჩამონათვალი:

აკრძალულია საფოსტო გზავნილით შემდეგი სახის ნივთების გამოგზავნა:

კანადა:

რეალური ფული, მონეტები ან ბანკნოტები;

საბანკო და საკრედიტო ბარათები და სხვა ფასიანი ქაღალდები;

წერილები, ჟურნალები;

ფეთქებადი ნივთიერებები;

ცეცხლსასროლი და პნევმატური (airsoft) იარაღები და მათი ნაწილები;

სანადირო ან სამხედრო დანიშნულების სამიზნე;

მშვილდი, არბალეტი;

ოქრო და ვერცხლი, ძვირფასი ქვები, ძვირფასი სამკაულები და სხვა ძვირფასი ნივთები;

პორნოგრაფიული სახის პროდუქცია;

ცოცხალი ცხოველები, ფიტულები, ძვლები, ბეწვი და ა.შ;

მიწა და ნერგები მიწით;

მცენარეები;

მცენარეების თესლები (25 გრამზე მეტი);

მაგნიტი; (ექსპედიტორის ელ. ფოსტით გაფრთხილების გარეშე)

ცოცხალი ყვავილები;

ნებისმიერი სახის ნარკოტიკი, ნარკოტიკული ნივთიერებების შემცველი პროდუქცია;

ნარკოტიკული ან ფსიქოტროპული ნივთიერებების შემცველი მცენარეები;

ფსიქოტროპული ნივთიერებები;

წამლები (10 შეკვრაზე მეტი);

სპრეი, პულივიზატორი, დეზადორი, აეროზოლი და ა.შ.;

ალკოჰოლური სასმელები;

ამანათები და პროდუქცია UN მარკირებით ან მარკირების გარეშე, რომელთაც გააჩნია ავია გადაზიდვის შეზღუდვა MSDS დოკუმენტში;

წნევის ქვეშ მყოფი ამანათები: სუნამო, დეოდორანტი, სპრეი;

ამორტიზატორები ნებისმიერი სახის.

ჩინეთი საჰაერო:

·         იარაღი, სამიზნე, იარაღის სხვა ნაწილები და სხვა;

·         მაგნიტი, სანთელი, სანთებელა (მათ შორის ელექტრო სანთებელა);

·         ფხვნილი, დაპრესილი ფხვნილი, კბილის პასტა;

·         თვალის ჩრდილი, დანა, დანასთან მიმსგავსებული, მაკრატელი, მაკრატელთან მიმსგავსებული და მსგავსი ტიპის ბასრი საგნები;

·         სათამაშო იარაღი, ელექტრო სიგარეტი, „ფოვერ ბანკი“, აკუმულატორი;

·         სითხეები, საღებავი, ფლომასტერი, მცენარეები, სამედიცინო დანიშნულების ტვირთები;

·         ელემენტები (ელემენტის ჩამოტანია დასაშვებია მხოლოდ იმ შემთხვევაში თუ ის მოყვება ნივთს. მაგ. მობილურ ტელეფონს);

·         კოსმეტიკური საშუალებები როგორიცა: მანიკური, აცეტონი, კრემები და სხვა, ფეთქებადსაშიში და აალებადი შეფუთვის მქონე პროდუქცია. მათ შორის სპრეი, პულვილიზატორი, დეზადორი, აეროზოლი, სუნამო და სხვა.

·         მედიკამენტები

·         ადამიანის საკვები პროდუქტები, გარდა იმ შემთხვევისა, როდესაც მომხმარებელი წრმოადგენს სერთიფიკატს;

·         ასევე კანონით აკრძალული ყველა ნივთი;

·         მომხმარებლის მიერ აკრძალული ნივთის გამოწერის შემთხვევაში კომპანიას არ წარმოეშობა ვალდებულება;

·         საერთაშორისო ბრენდის ან კოპირებული ნივთები;

·         კომპანია უფლებამოსილია აკრძალული ნივთები გამოაგზავნოს სახმელეთო გზით მომხმარებლის გაფრთხილების გარეშე;

·         კომპანია უფლებამოსილია დააჯრიმოს მომხარებელი რომელიც გამოიწერს აკრძალულ ნივთს. იმის მიუხედავად ჩამოვიდა თუ არა ნივთი მომხმარებელი ვალდებულია გადაიხადოს აკრძალული ნივთის ტრანსპორტირების ღირებულება.

 

ჩინეთი სახმელეთო:

კანონით აკრძალული ვივთები,

საფრენი აპარატები,

ელემენტები და აკუმულატორები (10 ცალზე მეტი)

მომხმრებელი ვალდებულია დაუკავირდეს გადამზიდს და დააზუსტოს ამა თუ იმ ნივთის გადაზიდვის პირობები.

მომხმარებლის მხრიდან აკრძალული პროდუქციის გამოგზავნის შემთხვევაში ექსპედიტორი კომპანია არ იღებს პასუხისმგებლობას პროდუქციის საქართველოში გამოგზავნაზე ან უცხოეთში საბაჟოს მხრიდან პროდუქციის კონფისკაციაზე.

10.2 იმ შემთვევაში თუ მომხმარებელი მაინც გაგზავნის აკრძალულ პროდუქციას ექსპედიტორი კომპანიის მიერ მომხმარებლისთვის გადაცემულ მისამართებზე, კომპანია არ იღებს პასუხისმგებლობას ამანათის გამომგზავნ მაღაზიასთან ან კერძო პირთან ამანათის დაბრუნებაზე. აღნიშნული დარღვევა ჩაითვლება მომსახურების პირობების დარღვევად, რაც გამოიწვევს მომსახურების უპირობო შეწყვეტას და მომხმარებლისთვის საჯარიმო სანქციების დაკისრებას, რაც განისაზღვრება ექსპედიტრორი კომპანიისთვის მიყენებული მატერიალური ზარალის ოდენობით.

11. სხვა შეზღუდვები და პირობები

11.1 მომხმარებლის ან მომხმარებლის წარმომადგენლის მხრიდან, შეურაცხმყოფელი გამონათქვამების გამოყენება, კომპანიის ინტერესების საწინააღმდეგო ქმედება, დაუზუსტებელი ინფორმაციის გავრცელება, ექსპედიტორის იმიჯისა და საქმიანი რეპუტაციის შემლახავი ცნობებისა და გამონათქვამების გავრცელება, სხვა საექსპედიტორო კომპანიის პირდაპირი ან ირიბი რეკლამირება, როგორც ელ–ფოსტით, ასევე ტელეფონზე, ჩათით, კომუნიკაციის ნებისმიერი არხებით, სოციალურ მედიაში კომენტირებით, გამოქვეყნებით და სხვა. ან თანამშრომლების მიმართ პირადად, ასევე კომპანიის ფეისბუკის გვერდზე და ბლოგის გვერდზე გამოიწვევს მომხმარებლის ან მასთან დაკავშირებული/გამოვლენილი პირის მიმართ სერვისის დაუყოვნებლივ და უპირობო შეწყვეტას. ხოლო კომპანიის ფეისბუკის ან ბლოგის ან სოციალური მედიის სხვა გვერდებიდან პირის მიერ გავრცელებული ტექსტის ან კომენტარის გაუქმებას და ბლოკირებას.

11.2 კომპანია უფლებას იტოვებს უარი თქვას საექსპედიტორო სერვისის მიწოდებაზე იმ პირებისთვის და კომპანიებისთვის, რომლებიც წარმოადგენენ სხვა საექსპედიტორო კომპანიას, არიან მათი დამფუძნებლები, დირექტორები თუ სხვა მენეჯმენტის რგოლში მომუშავე პირები.

11.3 ყველა ინფორმაცია და პირობა რომელიც www.ca2geo.ge ვებ–გვერდზეა განთავსებული, მათ შორის ტექსტური მასალა ხშირად დასმულ კითხვების განყოფილებიდან და მომსახურების პირობების გვერდიდან ნამდვილია და წარმოადგენს წინამდებარე ხელშეკრულების განუყოფელ ნაწილს. მომსახურების პირობები ითვლება კომპანიასა და მომხმარებელს შორის დადებულ შეთანხმებად. აღნიშნული პირობები ან მასში ცვლილებები მომხმარებლისთვის ითვლება შეთანხმებულად ექსპედიტორის ვებ–გვერდზე გამოქვეყნების ან მომხმარებლის მიერ ექსპედიტორის სერვისით (ამანათის შეძენისას ექსპედიტორის მისამართის მითითება) სარგებლობის მომენტიდან.

11.4 ექსპედიტორი კომპანია არ იღებს პასუხისმგებლობას კანადიდან და ჩინეთიდან საქართველოში ამანათის ტრანსპორტირებაზე თუ პროდუქციის გამოწერისას მომხმარებელი დაუშვებს შეცდომას და მისამართს მიუთითებს არასრულად ან არასწორად. მომხმარებლის მხრიდან მისამართის ცვლილება დაუშვებელია და ის უნდა ჩაიწეროს ზუსტად ისე, როგორც მოცემულია მომხმარებლის გვერდზე.

11.5 ექსპედიტორი კომპანია ვალდებულებას იღებს კლიენტთთან მხოლოდ იმ სერვისებზე, რაც აღწერილია მომსახურების პირობების გვერდზე.

11.6 ექსპედიტორი კომპანია უფლებას იტოვებს მოახდინოს მომხმარებელთან ურთიერთობის ჩაწერა და დამახსოვრება ინტერნეტის, სატელეკომუნიკაციო თუ ვიდეო სამეთვალყურეო სისტემების ყველა სახეობის საშუალებით, მათ შორის ელ–ფოსტით გამოგზავნილი წერილების, ჩათით ან ტელეფონით საუბრები, ფეისბუკის თუ ბლოგის კომენტარები, რაც შესაძლოა კომპანიამ გამოიყენოს მისი უფლებების დაცვის მიზნით მომხმარებელთან სასამართლო ან სხვა დავის წარმოქმნის შემთხვევაში.

11.7 მომხმარებელი ეთანხმება, რომ მის მიერ ამანათის მისაღებად წარმოდგენილი დოკუმენტები (პირადობა, პასპორტი, ბანკის ქვითარი, გადახდის დამადასტურებელი დოკუმენტი, პროდუქციის შესყიდვის დამადასტურებელი დოკუმენტი და სხვა ნებისმიერი დოკუმენტი, რომელიც გადაზიდულ ამანათთან არის დაკავშირებული) არის უტყუარი და ამ დოკუმენტების ნამდვილობაზე პასუხისმგებლობა მთლიანად ეკისრება მომხმარებელს.

11.8 ოთახის ნომერი, რომელზეც არცერთი ამანათი არ ფიქსირდება ჩაითვლება არა-აქტიურად და რეგისტრაციიდან 3 თვის შემდეგ გაუქმდება.

11.9 მომხმარებლის პირადი ინფორმაცია დაცულია. ექსპედიტორი კომპანია არ გადასცემს მესამე მხარეს მომხმარებლის შესახებ რაიმე სახის ინფორმაციას სასამართლო დადგენილების გარეშე.

11.10 ექსპედიტორი კომპანია უფლებას იტოვებს მომხმარებლის ელ-ფოსტაზე ან/და პირად გვერდზე წინასწარი ინფორმირების შემდეგ, მასთან შეთანხმების გარეშე, შეცვალოს მომსახურების მიწოდების პირობები ან შეუწყვიტოს მომხმარებელს მომსახურების მიწოდება.

11.11 მომხმარებლის სახელი და გვარის შეცვლა რეგისტრაციის შემდეგ აღარ ხდება, კომპანიის მხრიდან შესაბამისი ინსტრუქციების გარეშე. ინსტრუქციები გულისხმობს პირადობის დამადასტურებელი დოკუმენტის წარდგენას ოფისში, ელ-ფოსტაზე დადასტურებას და სხვა.

11.11.1 კომპანია კა 2 ჯეო-ს ხელოვნური ინტელექტის - ე.წ. AI ასისტენტის მიერ გენერირებული ტექსტი, ჩათის ან ელ-ფოსტის საშუალებით მიღებული ნებისმიერი უკუკავშირი იურიდულ დოკუმენტს არ წარმოადგენს.

11.12 ხელშეკრულებით გათვალისწინებულ პირობებთან ერთად, მომხმარებლისა და ექსპედიტორის უფლება-მოვალეობები რეგულირდება საქართველოს მოქმედი კანონმდებლობის შესაბამისად.

 

გმადლობთ თანამშრომლობისთვის.